ஒட்டுண்ணி

Parasite (ஒட்டுண்ணி) – சென்ற வருடம் வெளியாகிய இக்கொரியத் திரைப்படம், வாங்காத விருதுகளே இல்லை என்று சொல்லுமளக்கு விருதுகளைக் குவித்திருக்கின்றது (சிறந்த திரைப்படத்துக்கான ஆஸ்கர் விருதும் அதில் அடக்கம்). விமர்சன ரீதியாகவும், வசூல் ரீதியாகவும் வெற்றி பெற்ற இத்திரைப்படத்தில் அப்படி என்ன இருக்கிறது?

parasiteவறுமையில் வாடும் கிம் குடும்பத்தினருக்கு, கிம்மின் மகன் கி வூ-வின் நண்பன் வாயிலாக ஒரு பணக்கார வீட்டுப் பெண்ணுக்கு வீட்டில் சென்று சொல்லிக் கொடுக்கும் வேலைக்கான வாய்ப்பு கிடைக்கிறது. அதைப் பயன்படுத்தி, அதே வீட்டிலேயே தன் குடும்பத்தினர் அனைவருக்கும் வெவ்வேறு வேலை கிடைக்கச் செய்கிறான், கி வூ (தமிழ்த் திரைப்படம் ‘மின்சார கண்ணா’ பாணியில்). கிம் குடும்பத்தினருக்கு நாட்கள் நன்றாக நகர்ந்து கொண்டிருந்த வேளையில், ஒருநாள் பார்க் குடும்பம் தன் மகன் டா சாங்கின் பிறந்தநாளைக் கொண்டாட வெளியூர் செல்கிறார்கள். அவர்கள் ஊரில் இல்லாததால், இரவில் கிம் தன் குடும்பத்தினருடன் பார்க் வீட்டில் பார்ட்டியில் ஈடுபடுகிறார். பெருமழை காரணமாக பயணத்தைத் தொடர முடியாமல், பார்க் குடும்பத்தினர் விரைவிலேயே வீடு திரும்புகின்றனர். கிம் குடும்பத்தினர் பார்க் குடும்பத்தினரின் கண்களில் படாமல் தப்பினார்களா? தொடர்ந்து நிகழும் சம்பவங்களை, திரைப்படத்தில் கண்டுகளியுங்கள்.

திரைப்படத்தின் கதை, திரைக்கதை, ஒளிப்பதிவு எல்லாம் ஒருபுறமிருக்க, உலக நாடுகளில் இத்திரைப்படம் பலத்த வரவேற்பைப் பெற்றதற்கான காரணம், அது ஏழை-பணக்கார வாழ்க்கை முறைகளை சித்தரித்து, பொருளாதார ஏற்றத்தாழ்வுகளை கண் முன் நிறுத்தியதாகக் கூட இருக்கலாம்; இதனால் உலகெங்கும் வசிக்கும் மக்கள், தங்களை படத்தின் கதாபாத்திரங்களோடு பொருத்திப் பார்த்து, படத்துடன் ஒன்றிப் போக முடிந்திருக்கலாம்.

முதல் பாதியில், கிம் குடும்பத்தினர் பார்க்கின் வீட்டிற்குள் நுழையும் போது, அவர்கள் பார்க் குடும்பத்தினரை சார்ந்திருப்பதாலும், பெறும் ஊதியத்தாலும் அவர்கள் ஒட்டுண்ணி போலத் தோன்றுகிறார்கள். ஆனால் படம் நிறைவுறும் போதோ, பார்க் குடும்பத்தினர் எல்லா விதமான அன்றாட வேலைகளுக்கும் கிம் குடும்பத்தினரையேச் சார்ந்திருப்பதால், அவர்கள் கிம் குடும்பத்தினரின் உழைப்பை உறிஞ்சி வாழும் ஒட்டுண்ணிகளாகத் தெரிகிறார்கள்.

ஜூலியாவின் கண்கள்

Julias_Eyesஜூலியாவின் கண்கள்‘ 2010-ம் ஆண்டு வெளிவந்த ஸ்பானிய திரைப்படம். Degenerative Eye Disease என்னும் நோயால், கண் பார்வை மெல்ல மெல்ல குறைந்து முற்றிலும் மறைந்து போன சாராவின் மரணத்தில் ஆரம்பிக்கிறது திரைப்படம். சாராவும் ஜூலியாவும் ஒத்த தோற்றம் கொண்ட இரட்டையர். சாராவின் மரணம் தற்கொலை அல்ல, என்று ஜூலியாவின் உள்ளுணர்வு சொல்கின்றது. யாரும் அதை நம்பாத போது, தானாகவே அதன் பின்னணியைக் கண்டறிய முயலுகிறாள். ஜூலியாவுக்கும் சாராவுக்கு இருந்த அதே Degenerative Eye Disease இருக்கிறது. ஒரு பக்கம் கண் பார்வை குறைந்து கொண்டே வர, தன் சகோதரியின் மரணத்திற்கான காரணத்தை ஜூலியா கண்டுபிடித்தாரா? என்பதை படத்தைப் பார்த்து தெரிந்து கொள்ளுங்கள் 😉 சில காட்சிகள் யூகிக்க முடிவதாக இருப்பினும் பெலன் ருவேடாவின் நடிப்பும், விறுவிறுப்பான த்ரில்லர் வகையறா திரைப்படம் என்பதை நியாயப்படுத்தும் திரைக்கதையும் நம் கண்களை ஜூலியாவின் கண்களை போலவே கட்டிப் போடுகின்றன. நன்று!

தங்கல்

தங்கல்‘ – முன்னோட்டம் பார்த்ததிலிருந்தே படம் பார்க்க வேண்டும் என்றிருந்தேன். நேற்று மல்லிக்கும், ஆறுமுகமும் எதார்த்தமாக மாலை 6 மணி காட்சிக்கு 5 மணிக்கு அழைக்க, கடைசி நேரத்தில் அரக்க பறக்க முன்பதிவு செய்து, ஊர்வசி திரையரங்கில் முதல் வரிசையில்தங்கல்’ 🙂. திரையரங்கில் நுழைந்தவுடனே ஒருவர்ஹிந்தியா?’ என்று வினவ, ‘இல்லாஎன்றேன். ‘கன்னடதவராஎன்றார்; ‘தமிழ்என்றேன். ‘தங்களுக்கு தங்கலின் அர்த்தம் தெரியுமா?’ என்றார். ‘யுத்தாஎன்று பதிலளித்தேன் (தமிழில் மொழிபெயர்க்கப்பட்டு வெளியாகியுள்ளதங்கல்திரைப்படத்தின் பெயர்; விளம்பரங்களில் பார்த்தது :-)). ‘ஓஹோ, இது மாதிரி சில வார்த்தைகள் மட்டும் தெரியாதுஎன்றார். ‘இது மாதிரி சில வார்த்தைகள் மட்டுமே தெரியும்என்று கூறிவிட்டு நகர்ந்தேன். திரைப்படத்தைப் பற்றி ஏற்கனவே பல தளங்களில் விவரமாக எழுதி விட்டனர். முன்னோட்டத்திலேயே படத்தின் கதையை கூறிவிட்டாலும், கிட்டதட்ட மூன்று மணிநேரம் விறுவிறுப்பான திரைக்கதையாலும், தேர்ந்த நடிப்பாலும் ரசிகர்களைக் கட்டிப்போட்டதேதங்கலின்வெற்றி. மிக நன்று. (தங்கல்மல்யுத்த போட்டி

திரைப்படங்கள்

இந்த வருடம் நான் வெள்ளித்திரையில் கண்டுகளித்த திரைப்படங்கள் வெறும் 5 :-); வீட்டுத்திரையையும் சேர்த்து 30-40 தேறும்.  ஏன் வெறும் 5 என்று சொல்கிறேனென்றால், நாங்கலாம் வாரவாரம் ஒரு திரைப்படத்தை வெள்ளித்திரையில் காண்பவர்கள்; வீட்டில் ஒரே நாளில் 5 படங்களெல்லாம் பார்த்திருக்கிறேன். திரைப்படங்கள் பார்ப்பதைக் குறைத்துக் கொள்ள வேண்டுமென்பது எனது புத்தாண்டு உறுதிமொழிகளில் வழக்கமான ஒன்றாகும். எந்தவொரு உறுதியும் இந்த ஆண்டு எடுக்காமலே இதெப்படி சாத்தியமானது; தொடர் பயணங்களும், வாசிப்பும், வேலைப்பளுவும் காரணமாக இருக்கலாம். பார்த்தவற்றிலும் எதுவும் ஈர்க்கவில்லை. அக்டோபர் மாதம் முதல் திரைப்படங்களுக்காகவே பிரத்யேகமான சமூக வலைதளமான Letterboxd -ஐ பயன்படுத்தி வருகிறேன். அதிலுள்ள டைரிக் குறிப்புகளின் படி, கடந்த மூன்று மாதங்களில் (இன்று வரை) 6 படங்கள் பார்த்திருக்கின்றேன் :-).2016_watched_movies