பிலோமி டீச்சர்

வா.மு.கோமுவின் ‘பிலோமி டீச்சர்’ சிறுகதைத் தொகுப்பை வாசித்தேன். தொகுப்பில் நினைவில் நின்ற சிறுகதைகள்:-

Philomi_Teacher

  • துணையின் தேவையை உணர்த்தும் ‘திசை தவறி நகரும் நதிகள்
  • திருநங்கைகளின் பிரச்சனைகளை முன் வைக்கும் ‘புள்ளி பிசகிய கோலம்‘, ‘உயிர் வலிக்கிறதே யாத்தே!’
  • மனநோயாளிகளின் மனநிலையைப் பிரதிபலிக்கும் ‘எது நிஜம்? எது பொய்?’
  • சிலரிடம் நாம் காட்டும் அதீத அன்பிற்கு பின்னால் நம் நினைவுகளில் வாழும் நெருக்கமானவர்கள் இருப்பதைக் காட்டும் ‘கட்டம் போட்ட லுங்கி அணிந்தவன்’
  • மண உறவில் ஏற்பட்ட காயங்கள் மறைந்து கொண்டிருக்கையில், தன்னை இன்னொருவனிடம் முழுவதும் ஒப்படைத்து விட்டவளுக்கு ஏற்படும் காயம் சொல்லும் ‘பிலோமி டீச்சர்
Advertisements

சே குவேரா புரட்சியாளர் ஆனது எப்படி?

978-81-8493-788-6_bதிட்டமிட்டு செல்லும் பயணங்களை விட எதிர்பாராமல் செல்லும் பயணங்கள் தரும் அனுபவங்கள் மறக்க முடியாதவைகளாக இருக்கும். பயணங்களில் நாம் பார்த்தவை, கேட்டவை, சந்தித்த மனிதர்கள் நமக்குள் ஏதாவது ஒரு வகையில் தாக்கங்களை ஏற்படுத்துவர் என்பது மறுக்க முடியாதது. மருதனின் ‘சே குவேரா புரட்சியாளர் ஆனது எப்படி?‘ புத்தகம், சே குவேராவின் மோட்டார் சைக்கிள் டைரி குறிப்புகளையும், ஆல்பர்ட்டோ, ஃபிடல் காஸ்ட்ரோ, காலிகா, ஜான் லீ ஆன்டர்சன் ஆகியோரது சே குறித்த எழுத்துகளையும் எடுத்து கொண்டு அவர் எதனால் புரட்சியாளராகி இருக்கலாம் என்று அலசுகிறது. அடுத்த வேளை எங்கே? எப்படிபோகப் போகிறோம்? என்று அவர்களுக்கே தெரியாமல் முழுக்க முழுக்க மனிதத்தை நம்பி, மக்களோடு மக்களாக எர்னஸ்டோவும், ஆல்பர்ட்டோவும் மோட்டார் சைக்கிளில் ஒன்பது மாத காலம் (18,865 கி.மீ) மேற்கொண்ட தென் அமெரிக்கப் பயணம், சே உருவாக உண்மையாகவே ஓர் ஊக்கியாக இருந்திருக்குமோ? மோட்டார் சைக்கிள் பயண வரைபடத்தைக் கீழே காணலாம்.che_guevara_motorcycle_diaries_map

ஆட்சி மாற்றம்

“சே குவேரா புரட்சியாளர் ஆனது எப்படி?” வாசித்துக் கொண்டிருக்கின்றேன். புத்தகத்தில் சிலியின் ஆட்சி மாற்றத்தைப் பற்றி ஒரு பத்தி வருகிறது. நமது சூழலுடன் பொருந்திப் போகும் அந்தப் பத்தி:-

சிலியில் மட்டுமல்ல பிற லத்தீன் அமெரிக்க நாடுகளிலும் ஆட்சி மாற்றத்தில் மக்களுக்கு அதிக வாய்ப்புகள் இல்லை என்பது தான் உண்மை. இவர் இல்லாவிட்டால் இன்னொருவர்.பெயர்தான் மாறுமே ஒழிய அரசு அமைப்பு மாறாது. ஒடுக்குமுறை மாறாது. இருந்தாலும் தேர்தல் என்றொரு சடங்கு நடத்தப்பட்டுக்கொண்டுதான் இருக்கிறது. மக்களும் வேறு மாற்று இல்லாததால் இந்த ஏமாற்று நடைமுறையைத்தான் தொடர்ந்து கடைபிடித்து வருகிறார்கள். இவர் சரியில்லை என்று பட்டால் அவரைக் கொண்டு வருகிறார்கள். அவர் சரியில்லாது போனால் மீண்டும் இவர். அல்லது, இன்னொருவர்.

புத்தகங்கள்

இந்த வருடத்தைய எனது வாசிப்பனுபவத்தைப் பற்றியும், வாசித்தப் புத்தகங்களைப் பற்றியும் குட்டி குட்டிக் குறிப்புகளாக இந்த பதிவிலிடுகிறேன்.

  • வெகுநாட்களாக எனது விருப்பப் பட்டியலில் இருந்த புத்தகங்களை வாசிக்க முடிந்தது. [தண்ணீர், பின்தொடரும் நிழலின் குரல், Metamorphosis, Animal Farm]
  • இரண்டு வருடங்களாக கிடப்பில் போடப்பட்டிருந்த கிண்டில் தூசு தட்டப்பட்டது.  பயணங்களின் போது பைக்குள் திணித்து வைப்பதற்கு தோதாக இருந்ததும், அமேசானின் இந்திய மொழிகளில் மின்புத்தகங்கள் அறிவிப்பும் கிண்டில் பக்கம் என் கவனத்தைத் திருப்புவதற்கு போதுமானதாக இருந்தன.
  • தொடர் பயணங்களில் புத்தகங்கள் வழித்துணையாக வந்தன. இவ்வருடத்தில் எனது வாசிப்பில் ஏற்பட்டுள்ள ஏற்றத்திற்கு இது ஒரு முக்கிய காரணம்.
  • பின்தொடரும் நிழலின் குரலுக்குப் பின் சென்று கொண்டிருந்த போது, அலுவலகப் பணி நிமித்தமாக அயல்நாடு பயணம் செய்ய நேரிட்டது. சில மாதங்களுக்குப் பின், அதைத் தொடரலாம் என்ற போது மீண்டும் முதலிலிருந்தே வாசிக்க நேரிட்டது. மீள்வாசிப்பில் குரல் முன்பை விடத் தெளிவாகவே கேட்டது. இவ்வருடம் நான் வாசித்ததில் மனதைக் கவர்ந்த புத்தகம்.
  • குட்ரீட்ஸ் புத்தகங்கள் வாசிப்பவர்களுக்கான சமூக வலைத்தளம். இதில் கணக்கு துவங்கி வருடங்களானாலும், பயன்படுத்த ஆரம்பித்தது என்னவோ இவ்வருடம் ஜீன் மாதத்திலிருந்து தான். அதில் 2016 வாசிக்கும் சவாலில் ’10 புத்தங்கள் வாசிக்க வேண்டும்’ என்று நானும் இணைந்தேன். ஒரு வழியாக நேற்று தான் பத்தாவது புத்தகத்தை வாசித்து முடித்து, அந்த சவாலை நிறைவு செய்தேன். மகிழ்ச்சி!
  • வாசித்த புத்தகங்களின் எண்ணிக்கை சென்ற ஆண்டை விட அதிகம். வரும் ஆண்டில் இவ்வருடத்தை விட அதிகமாக வாசிக்க வேண்டும் ;-).

screen-shot-2016-12-25-at-7-44-33-am

9-வது மதுரை புத்தகத் திருவிழா

9-வது புத்தகத் திருவிழா மதுரையில் தற்போது நடைபெற்று வருகிறது [செப்டம்பர் 7 வரை]. வழக்கம் போல வாசிக்கிறேனோ, இல்லையோ, பின்வரும் புத்தகங்களை வாங்கியிருக்கிறேன்.

  1. நீரிலும் நடக்கலாம் – எஸ்.ராமகிருஷ்ணன்
  2. காஃப்கா எழுதாத கடிதம் – எஸ்.ராமகிருஷ்ணன்
  3. தண்ணீர் – அசோகமித்திரன்
  4. அவஸ்தை – யு.ஆர்.அனந்தமூர்த்தி
  5. கால்கள் – ஆர்.அபிலாஷ்
  6. கோபல்ல கிராமம் – கி.ராஜநாராயணன்
  7. மௌனியின் கதைகள்
  8. உலகப் புகழ் பெற்ற மூக்கு – வைக்கம் முகம்மது பஷீர்
  9. கடல்புரத்தில் – வண்ணநிலவன்
  10. மிதவை – நாஞ்சில் நாடன்
  11. சதுரங்கக் குதிரை – நாஞ்சில் நாடன்

வாசித்துவிட்டு இவற்றைப் பற்றி எழுதுகிறேன் 🙂

பஞ்சம், படுகொலை, பேரழிவு: கம்யூனிஸம்

panjam-padukolai-perazivu-communismஇரத்தம் சொட்ட சொட்ட அரிவாள்-சுத்தியல் இருக்கும் அட்டைப் படத்தோடு ஆரம்பிக்கிறது, ‘பஞ்சம், படுகொலை, பேரழிவு: கம்யூனிஸம்’.

ஆதரவற்றோருக்காகவும், அடக்குமுறைக்கு எதிராகவும் குரல் கொடுப்பது போல் இருந்தாலும், மார்க்ஸியத்தை அதிகாரத்துக்கான ஓர் ஆயுதமாகவே மாற்றிக் கொண்டார்கள்

என்பதை, கம்யூனிச சித்தாந்தங்களால்/தலைவர்களால் சிதைக்கப்பட்ட உயிர்களின் புள்ளி விவரங்களுடன், நாம் உறைந்து நிற்கும் படி விவரிக்கின்றார், அரவிந்தன் நீலகண்டன்.

  • கம்யூனிஸம் ஓர் அறிமுகம் கம்யூனிஸ சித்தாந்தத்தின் பிறப்பும், ‘ஏன் கம்யூனிஸம் ஓர் அழிவு சக்தியாக இயங்கி வந்துள்ளது?’ என்பதைப் புரிந்து கொள்ள மார்க்ஸும், ஏங்கல்ஸும் கூறிய விஷயங்களுக்குள் இருக்கும் சில மையக்கருத்துகளும் இந்த அத்தியாயத்தில் கூறப்பட்டுள்ளன.
  • லெனின்: புரட்சி, புரட்சி, படுகொலைகள் ரஷ்யாவின் ஜார் மன்னராட்சி கவிழ்க்கப்பட்டு, அதிகாரம் லெனின் கைகளுக்குக் கிடைக்கிறது. செகாவால் மக்கள் மீது பயன்படுத்தப்பட்ட ‘சிவப்பு பயங்கரம்’, ராணுவ நடவடிக்கை மூலம் ஒடுக்கப்பட்ட க்ரோன்ஸ்டாட் புரட்சி மற்றும் ஸ்டாலினின் எழுச்சி இதில் கூறப்பட்டுள்ளது.
  • ஸ்டாலின்: பிணக்குவியல்கள் மேல் ஒரு பொன்னுலகம் ஸ்டாலினின் அரசியல் சதுரங்க விளையாட்டில் ட்ராஸ்கி மற்றும் புக்காரின் பலியாவது, பெரும் துடைத்தொழிப்புகள், குலாக் வதைமுகாம்கள், கேய்டின் படுகொலைகள் மற்றும் ஸ்டாலினின் கொலைக்கரமான பெரியா பற்றி எனப் பலவும் இந்த அத்தியாயத்தில் அடங்கும்.
  • மார்க்ஸியப் பஞ்சங்கள் ரஷ்யா, உக்ரைன், சீனா மற்றும் எத்தியோப்பியாவில் ஏற்பட்ட பஞ்சங்களும், அதற்கான காரணங்களும் இதில் அலசப்பட்டுள்ளன.
  • அறிவியலும் மார்க்ஸியமும் அறிவியல் அரசியல் சித்தாந்தத்துக்கு அடங்கி நடக்க வேண்டும் என்பது, லெனினின் மூளை குறித்த முடிவுக்கு ஏற்றவாறு செய்யப்பட்ட ஆராய்ச்சி, ஜெனிடிக்ஸ் மற்றும் சூழலியல் உதாரணங்களால் எடுத்துக்காட்டப்பட்டுள்ளது.
  • சர்வாதிகாரிகளின் பொன்னுலகம்: மாவோ, போல்பாட், காஸ்ட்ரோ மாவோ, போல்பாட்(கெமர் ரூஜ் இயக்கம்) மற்றும் காஸ்ட்ரோ-சே குவேரா ஆகியோர் அவர்கள் பங்குக்கு புரட்சியால் ஓட விட்ட இரத்த ஆறுகளை விவரிக்கின்றது, இந்த அத்தியாயம்.
  • திபெத்தில் எரிந்த நாலந்தா சீனா திபெத்தில் செய்த இனப்படுகொலை.
  • இந்திய விடுதலைப் போராட்ட துரோகங்கள் & சுதந்திர இந்தியாவின் துரோகங்கள் அத்தியாயங்கள் கம்யூனிஸ சித்தாந்தத்தாலும், கம்யூனிஸ்டு கட்சிகளாலும் இந்தியா அடைந்த பாதிப்புகளை விளக்குகின்றது.

தேசத்தின் ஒற்றுமைக்கும், இறையாண்மைக்கும், சுதந்திரத்துக்கும் மேலாகச் சித்தாந்தத்தை வைக்கும் எந்த அமைப்பும், இயக்கமும் ஒதுக்கப்பட வேண்டியதே

என்பது தான், இந்தப் புத்தகம் சொல்லும் பாடம்.

கஜல் – பாடப்பாட பரவசம்

  1. subramani95
    கஜல் இலக்கணம் ~ குறள் வெண் செந்துறை #கஜல்
  2. subramani95
    இறந்த பின்னும் என் இமைகள் திறந்தே இருக்கும்,
    வழக்கமாகிப் போனது அவள் வருகையைத் தேடி! #கஜல்
  3. subramani95
    இதயம் கொண்ட காதலை நான் இதுவரைக்கும் காக்கிறேன்
    அவளும் அறியா மவுனகீதம் இசைக்கும் நெஞ்சம் அல்லவோ!
    – நீதா ஃபாஸ்லி #கஜல்
  4. subramani95
    மறைந்து பேசக் காவலாய்ப் படர்ந்து நின்ற மதிற்சுவர்
    காலப்போக்கில் கல்வெட்டாகியென் நினைவில் நின்றதே!
    – ஹஸ்ரத் மோஹானி #கஜல்
  5. subramani95
    பாதி தேகமே நான் பார்த்து வாழ்கிறேன் ஊனமென் உறவா!
    பாதி என்னுடன் நீ பாகம் சேர்ந்து என் வடிவம் தர வா!
    – அஞ்சும் #கஜல்
  6. subramani95
    எத்தனையோ இருக்கின்றன
    எனக்கு அமையாமல்
    வேலை
    வீடு
    கவிதை
    அத்துடன்
    நீயும்.
    – அபுல் கலாம் ஆசாத்
  7. subramani95
    விழியோரத்தில் நீர்ப்பெருக்கு யாரை நினைத்து
    கார்காலத்தின் காரணமும் நீயில்லை தானே!
    – பஷீர் பதர்
    #கஜல்
  8. subramani95
    இந்தத் தீபத்துடன் மோதும் சூறாவளி தோற்காதோ!
    இந்தத் தீபத்துடன் நாளும் விட்டில்கள் ஒரு கோடி.
    – ஷாரியார்
    #கஜல்
  9. subramani95
    நிலத்தைப் பார்க்கும் விழியின் உள்ளே நினைவும் உளதோ சொல்
    அலை அடிக்கும் உள்ளக் கடலில் காதல் உளதோ சொல்.
    – கைஃபி ஆஸ்மி
    #கஜல்
  10. subramani95
    தண்ணீர் கேட்ட நாவிற்கு செவிசாய்த் தனளே இதுபோதும்
    இமையின் கோப்பை நிறைகின்ற விழிநீர் எனக்குத் தந்தனள்
    – ஜாவீத் அக்தர் #கஜல்
  11. subramani95
    மடலினிற் சென்றதென் தூது
    மறுதலித் தனளே மாது
    விடையிலை என்பது விடையோ
    விதியினில் உறவிலை ஏனோ
    – ஷகீல் பதாயுனி #கஜல்
  12. subramani95
    ஊராரின் பழிச்சொல் ஒருநாள் என்மேல் விடிந்தது!
    பிறகென்ன உன்பெயர் சொன்னேன் என்னால் முடிந்தது!
    – கதீல் ஷிஃபாயி #கஜல்
  13. subramani95
    வசந்தமும் வந்தால் நலம்நான் கேட்டேன் எனச் சொல்வீரா!
    வழியில்லாதொரு வனத்தினில் வாழ்பவன் குரல் கேட்பீரா!
    – கைஃபி ஆஸ்மி #கஜல்
  14. subramani95
    அவநிலை அடைகிற விதியானேன் நான்
    அழிநிலை யுறுகிற தடமானேன் நான்
    – பகதூர் ஷா ஜஃபர் #கஜல்
  15. subramani95
    இவரிடம் சேதிகள் சொல்வீர் இனியிங் கிடமிலை கேட்பீர்
    எவரும் தங்கிட இயலா இதயச் சிறை நிறைத்தேன் நான்.
    – பகதூர் ஷா ஜஃபர் #கஜல்
  16. subramani95
    வானம் என்னை வாழ்த்திட வேண்டும் வரங்கேட்பேன் இனி
    அழுகையும் என்னைப் பிரிந்திட வேண்டும் உன்னைப் போல் சகி!
    – மீர்ஸா காலிப் #கஜல்