காலவெளி

புதிதாகக் கிடைத்த கடிகாரத்தில் வழக்கம் போல பத்து நிமிடங்கள் கூட வைத்தான். ஆ…ஆச்சர்யம். சகலமும் பத்து நிமிடங்களுக்குப் பின் இருப்பது போல் தெரிந்தன. கால எந்திரம் கையில் கிடைத்து விட்டதோ என்று ஓர் எண்ணம். இப்போதைக்கு நேரம் சரியில்லை; அப்படியே ஒரு ஐந்து வருடங்கள் கழித்துப் போய் விட்டால் எப்படி இருக்கும் என்று தோன்றியது. கடிகாரத்தில் தேதி, நேரத்தை மாற்றி வைத்து விட்டு அழுத்தினான். காலப்பயணம் … பயணத்தின் நடுவே, கடிகாரம் அதிர்ந்தது ‘Battery Low. Shutting down…’ என்ற செய்தியுடன். எந்த காலத்திலும் இல்லாமல் அப்படியே உறைந்து நின்றான், காலவெளியில்.

Advertisements