2012

2012-ல எவ்வளவோ நடந்திருந்தாலும், அதுல சில நிகழ்வுகளை மட்டும் இந்தப் பதிவில் பார்ப்போம்.

  • கோவா சென்றிருந்த போது, ‘சரி, ஆடிப் பார்க்கலாம்’ என்று நீர் விளையாட்டுகளில் இறங்கினேன். முதல் விளையாட்டு, பனானா. அந்த பனானா கடலுக்குள் செல்லும் முன்னரே, ஒரு பெரிய மாசா வந்து அடித்து பனானாவை பனால் பண்ணி விட்டுச் சென்று விட்டது. அதுக்கப்புறம் உள்ள விளையாட்டுகளை விளையாடுவதற்குள், நான் பட்ட பாடு இருக்கிறதே…
  • மதுரையில் வாடகை வீட்டிலிருந்து, சொந்த வீட்டிற்கு[சாந்தி நிலையம்] குடி புகுந்தோம்.
  • பிரபு அண்ணா கூட்டிச் சென்ற, மேகங்கள் உருகி அருவியாய் விழுவது போல் இருந்த யோசிமிட்டி நீர்வீழ்ச்சி. ‘செக்வாயா காடுகளே… வண்டு முனகும் பாடல்களே… தூரச் சிகரங்களில்… தண்ணீர் துவைக்கும் அருவிகளே…’ 😉
  • ‘லைஃப் ஆஃப் பை’-யில் மீர்கட்டைக் காட்டிய போது, ‘இந்த விலங்கின் பேர் மீர்கட். இதை நான் ஓக்லேண்ட் ஜூ-ல பார்த்திருக்கேன்’ என்று பீத்திக் கொண்டேன். ஆனால் பிரபு அண்ணா ஓக்லேண்ட் விலங்கியல் பூங்காவிற்குக் கூட்டிச் சென்றிருந்த போது, பிரமோத் அண்ணா, முசி மற்றும் நான் இந்த மீர்கட்டைத் தேடி அலைந்த கதை ‘முடியல’.
  • Bay 101 சூதாட்ட விடுதிக்குச் சென்று ‘Poker’ விளையாடியது ஒரு மறக்க முடியாத அனுபவம். இதையே பொழப்பா வெச்சிகிட்டு சுத்தறவங்களப் பாத்தப்ப, ஆச்சர்யமா இருந்துச்சு.
  • புது பைக்ல போன மறக்க முடியாத பயணமான ‘முத்யலமடுவு'(Pearl Valley). அப்படி மறக்க முடியாத அளவுக்கு, ‘அங்க என்ன இருக்குனு’ கேக்குறீங்களா, ‘ஒண்ணுமே இல்லீங்க’ 😦
  • தமிழ்நாட்டு பவர்கட்டால ஒரு நல்ல விஷயம் என்னன்னா, என்னோட புத்தகம் வாசிக்கும் பழக்கம் அதிகமாச்சு. அசோகமித்திரனின் ’18-வது அட்சக்கோடு’ மற்றும் தஸ்தயேவ்ஸ்கியின் ‘வெண்ணிற இரவுகள்’ இந்த வருடம் படித்ததில் பிடித்த நாவல்கள்.
  • கணியம்‘ இதழுக்காக சில கட்டுரைகளை மொழிபெயர்க்கும் போது தான், மொழிபெயர்ப்பு எத்துணை கடினம்(எனக்கு) என்று தெரிந்தது. தெரிஞ்சுக்க வேண்டியது, இன்னும் நிறைய இருக்குன்னு மட்டும் தெளிவாத் தெரியுது.

இன்னும் நிறைய எழுதணும்னு தோணுது; ஆனா எழுத உட்கார்ந்தா, எதுவும் வர மாட்டேங்குது. இப்படியே வெச்சிட்டிருந்தா, போன வருஷம் மாதிரி இந்தப் பதிவு என்னோட Draft-ல மட்டும் தான் இருக்கும். எனவே …

அனைவருக்கும் ஆங்கிலப் புத்தாண்டு வாழ்த்துகள்!

Advertisements

கஜல் – பாடப்பாட பரவசம்

  1. subramani95
    கஜல் இலக்கணம் ~ குறள் வெண் செந்துறை #கஜல்
  2. subramani95
    இறந்த பின்னும் என் இமைகள் திறந்தே இருக்கும்,
    வழக்கமாகிப் போனது அவள் வருகையைத் தேடி! #கஜல்
  3. subramani95
    இதயம் கொண்ட காதலை நான் இதுவரைக்கும் காக்கிறேன்
    அவளும் அறியா மவுனகீதம் இசைக்கும் நெஞ்சம் அல்லவோ!
    – நீதா ஃபாஸ்லி #கஜல்
  4. subramani95
    மறைந்து பேசக் காவலாய்ப் படர்ந்து நின்ற மதிற்சுவர்
    காலப்போக்கில் கல்வெட்டாகியென் நினைவில் நின்றதே!
    – ஹஸ்ரத் மோஹானி #கஜல்
  5. subramani95
    பாதி தேகமே நான் பார்த்து வாழ்கிறேன் ஊனமென் உறவா!
    பாதி என்னுடன் நீ பாகம் சேர்ந்து என் வடிவம் தர வா!
    – அஞ்சும் #கஜல்
  6. subramani95
    எத்தனையோ இருக்கின்றன
    எனக்கு அமையாமல்
    வேலை
    வீடு
    கவிதை
    அத்துடன்
    நீயும்.
    – அபுல் கலாம் ஆசாத்
  7. subramani95
    விழியோரத்தில் நீர்ப்பெருக்கு யாரை நினைத்து
    கார்காலத்தின் காரணமும் நீயில்லை தானே!
    – பஷீர் பதர்
    #கஜல்
  8. subramani95
    இந்தத் தீபத்துடன் மோதும் சூறாவளி தோற்காதோ!
    இந்தத் தீபத்துடன் நாளும் விட்டில்கள் ஒரு கோடி.
    – ஷாரியார்
    #கஜல்
  9. subramani95
    நிலத்தைப் பார்க்கும் விழியின் உள்ளே நினைவும் உளதோ சொல்
    அலை அடிக்கும் உள்ளக் கடலில் காதல் உளதோ சொல்.
    – கைஃபி ஆஸ்மி
    #கஜல்
  10. subramani95
    தண்ணீர் கேட்ட நாவிற்கு செவிசாய்த் தனளே இதுபோதும்
    இமையின் கோப்பை நிறைகின்ற விழிநீர் எனக்குத் தந்தனள்
    – ஜாவீத் அக்தர் #கஜல்
  11. subramani95
    மடலினிற் சென்றதென் தூது
    மறுதலித் தனளே மாது
    விடையிலை என்பது விடையோ
    விதியினில் உறவிலை ஏனோ
    – ஷகீல் பதாயுனி #கஜல்
  12. subramani95
    ஊராரின் பழிச்சொல் ஒருநாள் என்மேல் விடிந்தது!
    பிறகென்ன உன்பெயர் சொன்னேன் என்னால் முடிந்தது!
    – கதீல் ஷிஃபாயி #கஜல்
  13. subramani95
    வசந்தமும் வந்தால் நலம்நான் கேட்டேன் எனச் சொல்வீரா!
    வழியில்லாதொரு வனத்தினில் வாழ்பவன் குரல் கேட்பீரா!
    – கைஃபி ஆஸ்மி #கஜல்
  14. subramani95
    அவநிலை அடைகிற விதியானேன் நான்
    அழிநிலை யுறுகிற தடமானேன் நான்
    – பகதூர் ஷா ஜஃபர் #கஜல்
  15. subramani95
    இவரிடம் சேதிகள் சொல்வீர் இனியிங் கிடமிலை கேட்பீர்
    எவரும் தங்கிட இயலா இதயச் சிறை நிறைத்தேன் நான்.
    – பகதூர் ஷா ஜஃபர் #கஜல்
  16. subramani95
    வானம் என்னை வாழ்த்திட வேண்டும் வரங்கேட்பேன் இனி
    அழுகையும் என்னைப் பிரிந்திட வேண்டும் உன்னைப் போல் சகி!
    – மீர்ஸா காலிப் #கஜல்